धादिङबेसी स्थित पशुपति मन्दिरमा आज साँझ मेला लाग्दै

 ८ मंसिर २०७६, आईतवार ११:५०  मा प्रकाशित

 धादिङ, ८ मंसीर
धादिङबेसी स्थित पशुपति मन्दिरमा आज साँझ मेला लाग्दै छ ।

आज रातभर महादेवको मन्दिरमा बत्ति बाली भजन किर्तन गाई जागाराम बस्ने प्रचलन गरहेको छ । आज रातभर बत्ति बालेपछि भोली विहान सतबीज (सतबीउ) छर्ने प्रचलन रहेको छ । मसिंर कृष्ण चर्तुदशीको विशेष दिन नै वाला चतुर्दशी हा मृत्यूवरण गरेका पितृहरुको मोक्षयात्राकालागि अत्यन्त महत्पूर्ण दिनका रुपमा लिइन्छ । सतविज भन्नाले पितृ उद्दारसंग सम्बन्धित चर्चित धार्मिक वनहरु जस्तैः कैलाश डाँडा, श्लेष्मान्तक वन अनि अन्य आस्था गाँसिएका वनहरुमा गएर छर्ने सातप्रकारको अन्नहरु पर्दछन ।

यस्ता अन्नहरुमा धान, गहुँ, मास, मुगी, कागुन र सामा मिलाईएको सप्तधानायूक्त शतविज र विभिन्न प्रकारका फूलहरु रहनेगर्दछ । वि.स. २०२३ सलामा राजा महेन्द्रले शिवमन्दिर बनाउन अनुमति दिए सँगै नियमित कार्तिक वाला चतुर्दशी मेला लाग्दै आएको विश्वास गरिदै आएको छ । भोली विहान बाजा भजन किर्तन गरि फुलको डोली तार्ने प्रचलन रहेको छ । यसो गर्दा आटेको कुरा पुग्ने र मृत्य आत्माले शान्ति पाउने जन विश्वास रहदै आएको छ ।

अहिले मेला स्थलमा भक्तजनहरुको भिड बढ्दै गईरहेको छ । जात्रालाई मध्यनजर गरेर व्यावसायीहरुले मन्दिर वरपर पसल राखीसकेका छन् । जात्राको ममयमा हुने उछृङखल गतिविधि रोक्न प्रहरी पनि परिचालन गरीएको छ ।

८ मंसिर २०७६, आईतवार ११:५०  मा प्रकाशित

Write your Comment