एक महिलाले जन्माइन् तिम्ल्याहा सन्तान

 ५ मंसिर २०७६, बिहीबार १५:०४  मा प्रकाशित

जनकपुर, ५ मंसीर
जनकपुरधामकी २६ बर्षीया एक महिलाले तिम्ल्याहा सन्तान जन्माएकी छन् ।

बिहीबार जनकपुरधाम उपमहानगरपालिका वडा नम्बर १ का बजरंगप्रसाद जयसवालकी पत्नीले धनुषा अस्पतालमा एकै पटक तीन शिशु जन्माएकी हुन् ।

प्रसुति व्यथा लागेपछि उपचारका लागि अनिषा जयसवाललाई जनकपुरधामस्थित धनुषा अस्पतालमा भर्ना गरिएको थियो । बिहीबार बिहान शल्यक्रियामार्फत बच्चा जन्माएको धनुषा अस्पतालले जानकारी दिएको छ ।

प्रत्येक एक मिनेटको अन्तरालमा २ छोरी र १ छोराको जन्म भएको हो । उपचारमा संलग्न चिकित्सकका अनुसार तीन वटै शिशुको तौल २ किलोग्राम भन्दा माथि छ ।

तीन वटा शिशुमध्ये एउटा शिशुको स्वास्थ्य अवस्था केही कमजोर रहेका कारण आईसियुमा राखेर उपचार भइरहेको जनाइएको छ ।

५ मंसिर २०७६, बिहीबार १५:०४  मा प्रकाशित

Write your Comment