नीलकण्ठ नगरपालिका वडा नं. ९ को कार्यालय तोडफोड

 १४ कार्तिक २०७६, बिहीबार १६:५९  मा प्रकाशित

धादिङ, १४ कात्तिक
नीलकण्ठ नगरपालिका वडा नं. ९ को कार्यालयमा तोडफोड भएको छ ।

तिहार बिदाको समय पारी नीलकण्ठ नगरपालिक वडा नं. ९ ज्यामिरेमा रहेको कार्यालयमा तोडफोड गरिएको हो ।

कार्यालयको मेन गेट सहित ५ वटा ढोका, स्टिल दराज र वडा अध्यक्षको कार्यकक्षमा भएको टेबुल घर्राको लक तोडेको वडा अध्यक्ष भोज बहादुर रेग्मीले बताउनु भयो । तिहारको समयमा कार्यालय बन्द भएकाले कहिले तोडफोड गरिएको एकिन गर्न सकिएको छैन । एउटा मेलमिलाप सम्बन्धी फाइल बाहेक अरु कागजपत्र तथा भौतिक सामाग्रीहरु हराएको छैन । बिहिबार कार्यालय समयमा कार्यालय खोल्न जाँदा कार्यालय सहयोगीले तोडफोड गरिएको देखेपछि जिल्ला प्रहरी कार्यालयमा खबर गरिएको थियो ।

चाडपर्वमा मादक पदार्थ सेवन गर्नेहरुले कार्यालय तोडफोड गरेको हुनसक्ने प्रारम्भिक अनुसन्धानमा देखिएको जिल्ला प्रहरी कार्यालयका प्रवक्ता रुपक खड्काले बताउनु भयो ।

१४ कार्तिक २०७६, बिहीबार १६:५९  मा प्रकाशित

Write your Comment