आ.ब. २०७५/७६ मा धादिङ जिल्ला अदालतमा ७ सय २५ थान मुद्दा फैसला

 १० श्रावण २०७६, शुक्रबार १८:१२  मा प्रकाशित

साउन १०, धादिङ 
राज शाक्य
आर्थिक वर्ष २०७५/७६ मा धादिङ जिल्ला अदालतमा बिभिन्न बिषयमा ८ सय ८८ मुद्धा दर्ता भएको छ ।

धादिङ जिल्ला अदालतमा मुद्धा दर्ताको चाप अत्याधिक बढेको धादिङ जिल्ला अदालतका श्रेस्तेदार शाखा अधिकृत नमराज दङ्गालले बाउनु भएको छ । उहाँका अनुसार आ.ब. २०७४/७५ मा दर्ता भएको मुद्धा मध्ये २ सय ८० थान मुद्धा आ.ब.२०७५/७६ मा सरेको थियो । जिल्ला अदालत धादिङमा आ.ब. २०७४/७५ र आ.ब. २०७५/७६ मा दर्ता भएको कुल मुद्दा ११ हजार ६८ थान मुद्दा रहेको रहेको थियो । जस मध्ये ७ सय २५ थान मुद्दा फैसला भएको छ । आ.ब. २०७५/७६ मा ४ सय ४३ थान मुद्धा अझै फैसला हुन सकेका छैनन् जुन मुद्धा आ.ब. २०७६/७७ का लागी सरेको छ । यस्तो तथ्याङ्कलाई हेर्दा मुद्दाको संख्या बढ्दै गएकाले व्यवस्थापनमा चाप परेको श्रेस्तेदार शाखा अधिकृत दङ्गालले जानकारी दिनुभएको छ ।

जिल्ला अदालतले आ.ब. २०७५/७६ मा फैसला कार्यान्वयन तर्फ ७२ दशमलब ०७ प्रतिशत मुद्दा कार्यान्वयन भएको जनाएको छ । जिल्ला अदालत धादिङले आ.ब. २०७४/७५ मा लक्ष्य भन्दा बढी मुद्दा फैसला गर्दै ३ नम्बर प्रदेशमा अब्बल जिल्ला अदालतको रुपमा सावित भएको थियो ।

१० श्रावण २०७६, शुक्रबार १८:१२  मा प्रकाशित

Write your Comment